https://www.facebook.com/125062693097978/

Maternity NL ماميز فى هولندا, Rotterdam (2026)

17/10/2022

جزء 3 مابعد الولادة:

روحنا البيت الحمدلله واتصلت بال kraamzorg عالظهر كده وبعتولى بنت قعدت معايا 3 ايام وبعدها جت واحده تانية الانجلش بتاعها احسن وفالحقيقة ال 2 فادونى جدا فال 6 أيام اللى ساعدونى فيها حسيت انى اول مرة أخلف حقيقى كنت بعمل حاجات غلط كتير فى أول بيبي من طريقة الرضاعة لعمل ال burp لفرش السرير والاستحمام بتاع البيبى بجد نصحونى وقالولى ازاى اعتنى بجرح الولادة وازاى اهدى البيبى وامتى اعمل التقميط وامتى لا محدش نصحنى فى مصر بربع جنيه من الحاجات دى والحقيقة انها فارقه معايا جدا الحمدلله ده غير انهم كانوا بينضفوا الحمام وينشروا غسيل ويروقوا ويعملوا فطار مثلا او ياخدوا البيبي وانا انام شوية
البيبى وزنها نزل فجأة فاضطروا يدوها لبن صناعى يومين بجانب الرضاعة عشان وزنها يرجع تانى لوزن الولادة بس الحمدلله ماجلهاش صفراء

نيجي بقى لتجربتى فى مصر 2016
اخر تحليل دم عملته كان قبل الولاد بشهرين وكان عندى انيميا وماعرفوش
اثناء الولادة فقدت دم طبعا زود الانيميا واخدت بنج كلى واتعملى شق العجان من غير مايستأذنونى
البيبي اتولد مالمستوش اخدوه حطوه فى غرفة مع اطفال تانيين معرفش ادوله جولوكوز بقى واللا ايه ادوله شاور على طول ومارضعش منى غير بعد الولاده بيوم ونص مثلا واخد لبن صناعى يومين كده وجاله صفراء بنسبة بسيطة
وانا طالعة من المستشفى ماكنتش قادرة اقف اصلا ولا امشي والضغط كان واطى جدا
جالى انيميا حادة بعد الولادة واخدت حقن حديد ودواء ضغط واطى وليستة فيتامينات تانية كده
ابنى كان على طول بيعيط ومش بينام كويس معرفش فرق التجربة بتاعة الولادة بين الطفلين هو سبب فى ده واللا لا او نفسيته اتأثرت مثلا

17/10/2022

جزء 2 الولادة :
فى نص الشهر الخامس تقريبا عملت سونار خاص بمعرفة نوع الجنين مدته ساعة الا ربع كده وطلبت من البنت تكتبلى نوع البيبى فى ورقة وتحطها فالظرف عشان افتحها فالبيت مع أهلنا واحنا بنقولهم
- اختيار المستشفى ماكانش بمزاجى عشان دى اللى كانت فيها مكان فاضى لمتابعة سكر الحمل بعد ما مختصة التغذية لاحظت انه السكر بيعلى لو ماظبطتش الأكل وولدت فيها بردو عشان هما اللى تابعوا معايا فالآخر
يوم الولادة كنت بكشف عادى فالمستشفى الصبح وبعدها خرجت وكنت باشترى حاجات وابتدى يجيلى طلق خفيف هو كان بادئ معايا الصراحة من ساعة ما صحيت بس قلت عادى هايروح لحاله على نص اليوم نزل عليا دم واتصلت بالمستشفى قالتلى لا عادى مش ولادة وبعدين الموضوع والوجع ابتدا يتكرر ويزيد اتصلت بال midwife قالتلى لا كده ولادة وانا هاكلم المستشفى احجزلك الغرفة وكلمتنى بعدها قالتلى هاتى شنطتك واطلعى عالمستشفى ده كان الأربعاء بالليل
رحنا المستشفى انا وجوزى الدخول من باب الطوارئ طلعنا ماكانش فى حد غيرى :) دخلت اول غرفة عملت كشف نساء اتأكدوا انها ولادة وبعدها اخدوا التحاليل بتاعتى والورق اللى كان معايا وركبوا لى كانيولا وجهاز بيقيس الطلق ومعدل تكراره
طلعنا بعدها لغرفة الولادة واستنوا عليا لحد ما الرحم فتح خالص وقالولى حاولى تاخدى شاور دافى هيساعدك وكنت سقعانة جدا والمغص زاد وماكنتش قادرة اقف وبعدها بدأوا معايا بوضع اسمه القرفصاء المعاكس كأنى فى وضع الركوع كده عالسرير ولكن مانفعش وبعدها جابولى كرسي مفتوح من تحت وحاولت اعمل push كتير بس ماكانش كفاية فحطولى فالكانيولا حقنة تساعد على زيادة الطلق وكانوا بيقولولى حاولى تتنفسي كويس ده هيساعدك واول ما راس البيبى ظهرت عملولى فتحة بسيطة مع بنج موضعى الأول والحمدلله تمت الولادة طبيعية بنجاح
ادونى البيبى قالولى حطيها على جسمك وضميها skin to skin أول مرة اجربه :) وقعدوا يصورونا بموبايل جوزى :) ويصوروا المشيمة وجوزى اصلا قرب يغمى عليه أول مرة يعيش معايا التجربة
كل ده وماقطعوش الحبل السرى سابوه شوية وبعدين خلوا جوزى هو اللى يقصه :) قطعوه اخيرا وخيطوا الجرح وقالولى حاولى ترضعى البيبى
شوية وأخدوها يكشفوا عليها كل ده فى نفس الغرفة واتأكدوا انها تمام ووزنوها فى درجة حرارة دافية كل ده وما اخدتش شاور قالولى تستحمى بعد يومين او 3 من الولادة عشان المواد اللى على جسمها دى مفيدة ليها يادوب نظفوها بقطعة قماش كده
- جابولى geboortekoekjes بتاعتهم دى بعد الولادة وموزة وماء وساندوتش وقاسوا الضغط وادونى حقنة RH تانية وارتاحت شوية كنا بقينا فجر الخميس خلاص وقالولى انت كده تمام تقدرى تروحى وتاخدى فيتامينات الرضاعة وتكلمى ال kraamzorg

17/10/2022

صباح الخير النهاردة هقولكم تجربة ولادتى فى هولندا لعلها تبقى مفيدة بالنسبة لحد فيكم ان شاء الله والفرق بينها وبين ولادتى الأولى فى مصر
- مكان الولادة : مستشفى Franciscus Gasthuis
- تاريخ الولادة: 21 يوليو 2022 قبل ال due date بأسبوع
ده تانى بيبى ليا الطفل الأول مولود فى مصر
- ظروف الحمل: كان عندى سكر حمل وجالى كرونا فى أول 3 شهور حمل
- medwife: Rotterdam west
- Kraamzorg : Rotterdam Kraamzorg
مبدأيا لما عرفت أنى حامل قالولى أول كشف ليك هايبقى بعد 8 أسابيع يعنى فالشهر الثانى ماطلبوش تحليل اول حاجة عملوا سونار لما رحت واحنا اللى بنختار اقرب midwife لينا ونتابع معاها
رشحتلى مالتى فيتامين زى davitamon فىه فوليك اسيد وفيتامين سي ولما جالى كورونا زودت فيتامين c الفوار بتاع davitamon واستمريت عليهم لنهاية الحمل عشان المناعة ولانى على طول كان عندى برد فى بداية الحمل لحد ما اصبت بالكورونا فالنهاية 🙂
حجم البيبي كان صغير وهما كانوا مستغربين مع وجود سكر حمل بس الحمدلله الوزن ظبط فالاخر كان حوالى 2800 جرام مش صغير اوى ولا كبير اوى
الأول الكشف كان بيبقى مرة فالشهر وفى الأخر زاد بقى مرتين او 3 فالشهر
السونار مش بيتعمل كتير الا لو بيتأكدوا من حاجات معينة زيي مثلا
حصل أن هامستر عضنى وأخدت حقنة تيتانوس وkinkhoest
مع نهاية الشهر الرابع من الحمل بيأكدوا عليكى تختارى Kraamzorg عشان كالعادة فى قائمة انتظار فلازم تقررى من بدرى
وبصراحة اللى انا اختارتهم الاراء عليهم كانت حلوة واول ما كلمتهم تواصلت معايا المسئولة وبعتتلى قائمة فيها الحاجات اللى محتاجة اشتريها ليا وللبيبي قبل وأثناء الولادة "النظام حلو مفيش كلام" 🙂
وتقريبا فى نهاية الشهر السادس حددت معايا معاد زيارة فالبيت عشان تشوف المكان اللى هيعيش فيه البيبى وسألتنى اذا كنت محتاجة البنت اللى هاتيجي تساعدنى بعد الولادة تكون بتعرف تتكلم انجليزى واللا ايه ولو ليا اى طلبات تانية وسألتنى ارتفاع السرير بتاعى ايه عشان لازم ارتفاع معين مايقلش عنه حفاظا على ظهر البنت اللى هاتيجي تساعد وسابت لى ملف فيه أرقامهم اتصل بيهم عند الولادة وشوية تفاصيل مفيدة وقت الولادة للمستشفى
- فالشهر الرابع او الخامس عملت تحليل دم عشان يعرفوا فصيلة دمى وشوية تفاصيل وعملت تحليل سكر عشان فى تاريخ وراثى فى عائلتى وطلبت اعمل تحليل تانى عشان اعرف جالى الجدرى وانا صغيرة واللا لا
أخدت حقنة RH فالحمل وبعد الولادة عشان فصيلة دمى negative والبيبى positive

23/09/2022

هشارك معاكم إن شاء الله تجربة ولادتى فى هولندا وهانزل لكم كام منتج فعلا فادونى بعد الولادة أتمنى تكون معلومات مفيدة ليكم

13/01/2022

انهى واحد للحموضة فالحمل حد عارف؟

12/11/2021

يا بنات ده فايل كانت باعتاهولى مختصة التخاطب لابنى سن 5 سنوات ونص فيه برامج ومواقع مفيدة لتحسين الهولندى عند الأطفال مش كله مجانى للى حابب يستفيد منه 🥰😊

09/10/2021

إزاى أعرف أنى بدأت فترة التبويض ؟
ترتبط عملية نزول البويضة (Ovulation) بظهور العديد من الأعراض أو العلامات، مثل:
1. جسم أكثر برودة
2. حواس أفضل
لا شك أن النساء في فترة نزول البويضة يشعرن بحواسهن كثيرًا، حيث أنهن يصبحن يميزن الروائح ويتحسسن منها بطريقة أكثر من السابق، وحتى حاسة اللمس أو النظر.
3. أوجاع في البطن والظهر
وقد ينتقل الألم إلى أجزاء مختلفة في الجسم.
4. الشعور بالتشنج
بعض النساء لا يشعرن بأي شيء على الإطلاق، بينما البعض الاخر يصبن بتشنج خفيف في البطن، وإذا كانت الإباضة مؤلمة، فإن هناك شيئًا خاطئًا ويجب علاجه من قبل الطبيب.
وظهور التشنجات (Cramps) بشكل مستمر قد يشير إلى خلل هرموني مثل؛ هرمون الإستروجين، أو نقص هرمون البروجسترون، أو الاصابة بمتلازمة تكيس المبايض (PCOS).
5. حدوث نزيف
على الرغم من أنه من غير المألوف، لكن قد تعاني منه بعض النساء عندما تنضج البويضة، حيث يحدث انخفاض في مستوى هرمون الأستروجين بشكل طفيف، مما قد يتسبب أيضًا في حدوث النزيف.
ومن الملاحظ أن النزيف لا يكون ذو لون أحمر قاتم، بل ستلاحظين أنه على شكل مسحة خفيفة باللون الوردي أو البني تكون مع إفرازات عنق الرحم.
6. ظهور مخاط الإباضة
بعد عملية الحيض تكون الإفرازات جافة أو غير موجودة، ولكن مع استعداد القناة المهبلية للحيوانات المنوية الواردة، يصبح مخاط عنق الرحم أرق وأكثر انزلاقًا.
أما أثناء فترة الإباضة، تصبح الإفرازات ذات لون أبيض، تدوم حوالي 5 أيام للنساء الشابات، ولكن تقل إلى 1-2 يوم مع التقدم في العمر، ويعتبر ظهور المخاط من أكثر علامات الإباضة دقة.
7. الغثيان والصداع
بسبب التغيرات الحادة والسريعة في الهرمونات الجنسية.
بالنسبة للنساء اللواتي يتمتعن بتوازن هرموني جيد، فإنهن لا يصبن بالغثيان أو الصداع.
8. التغييرات في الغريزة الجنسية
بما أن الجسم يخبر دماغك بأن الوقت قد حان لإنجاب طفل، فإن بعض النساء يشعرن بزيادة في الدافع الجنسي، نتيجة لوجود مستويات عالية من هرمون الأستروجين والتستوستيرون (Testosterone).
9. تغيرات في عنق الرحم
عادة ما يكون عنق الرحم ضيقًا في القناة المهبلية، ويكون منغلقًا قليلًا، ولكن أثناء الإباضة يصبح عنق الرحم أعلى وأكثر ليونة وانفتاحًا.
10. الانتفاخ
يمكن أن يؤدي ارتفاع الأستروجين أثناء الإباضة إلى احتباس الماء في الجسم ونتيجة لذلك، قد تشعر بعض النساء بالانتفاخ البطني (Bloating)، وحتى التورم في الأصابع أو القدمين.
إن تتبع أعراض الإباضة يعتبر تحديًا لبعض النساء في البداية، ولكن مع مرور الوقت سوف تتعرف على هذه العلامات بسهولة، والتي يمكن أن تساعد في تنظيم نشاطاتك اليومية بما يتلائم معها.

01/09/2021

جمعتلكم بعض مواقع مستلزمات البيبى والأم فى هولندا ولو حد يعرف حاجة جديدة يضيفها
1-https://www.primark.com/nl/alle-producten/kinderen/baby-pasgeboren-kleding/c/kids-baby
2-https://www.oudersvannu.nl/baby/
3-https://www.prenatal.nl/home/?msclkid=355e7a1c62da1079bdf41b33bc96efa0&utm_source=bing&utm_medium=cpc&utm_campaign=01.%20Branded%20Exact&utm_term=prenatal&utm_content=21321-PMSD3T2YK5LDS-71605807434778&msclkid=355e7a1c62da1079bdf41b33bc96efa0
4-https://www.baby-dump.nl/
5-https://www.babypark.nl/
6-https://babyplus.nl/
7-https://nl.patpat.com/category/Graphics.html
8-https://www.mamaloesbabysjop.nl/
9-https://www.amazon.nl/s?k=baby&__mk_nl_NL=%C3%85M%C3%85%C5%BD%C3%95%C3%91&crid=TDCZ509OUAVY&sprefix=bab%2Caps%2C231&ref=nb_sb_ss_ts-doa-p_1_3
10-https://www.bol.com/nl/nl/m/baby/

14/08/2021

الدعم فعلا مهم جدا إزاى مش بنفكر فيه
فعلا مهم جدا عشان اكتئاب مابعد الولادة 😍

13/08/2021

بعض خرافات الحمل والولادة:
ممارسة العلاقة الحميمة بشكل أكثر تسهل حدوث الحمل.
– الصواب: لاعلاقة بين عدد مرات ممارسة العلاقة وحدوث الحمل، فهو يرتبط بأيام الإباضة. فعندما تكون البويضة جاهزة لإستقبال الحيوان المنوي يحدث الحمل.

12/08/2021

بعض خرافات الحمل والولادة:
تمتلك النساء خصوبة عالية حتى سن الخامسة والثلاثين.
– الصواب: أثبتت الدراسات أن الخصوبة تكون مرتفعة خلال العشرينات ثم تبدأ بالتناقص، كما أن هناك بعض الحالات التي قد تعاني فيها المرأة من قلة الخصوبة وهي في العشرينات من عمرها، كما يوجد حالات أخرى لنساء حملّن وهن في العقد الرابع من عمرهن.

11/08/2021

بعض خرافات الحمل والولادة

الأشخاص الذين يملكون صحة جيدة لا يعانون من مشاكل في الخصوبة.
– الصواب: مشاكل الخصوبة ليس لها علاقة مباشرة بالصحة الجسدية، بحيث لا تظهر عوارض مشاكل الخصوبة على الجسم، فعلى الرجل او المرأة القيام بالفحوصات الطبية والمخبرية اللازمة للتأكد من صحة الجهاز التناسلي والقدرة على الخصوبة.

Maternity NL ماميز فى هولندا

17/10/2022

17/10/2022

17/10/2022

23/09/2022

13/01/2022

12/11/2021

09/10/2021

01/09/2021

14/08/2021

13/08/2021

12/08/2021

11/08/2021

Adres

Website

Meldingen

Snelkoppelingen

Delen

Type