05/06/2025
💔❤️🩹
Kaibigan, salamat sa bawat sandali,
Sa tawang humubog ng ating pagkakampi.
Sa mga lihim na ikaw lang ang may alam,
Sa mga luha’t halakhak na sabay nating tinawanan.
Ngunit heto na tayo sa dulo ng daan,
Ang dating “hanggang dulo” ngayo’y paalam.
Hindi dahil nais, kundi kailangang harapin,
Na ang lahat ng simula, may wakas din.
Paalam sa gabi ng walang patid na kwento,
Sa umagang sabay tayong humaharap sa mundo.
Paalam sa mga ala-alang binuo ng panahon,
Na mananatili sa puso, kahit tayo'y magkalayo ngayon.
Hindi man naulit ang ating kasiyahan,
Hindi man natin naabot ang pangakong “walang iwanan,”
Hindi mabubura ang iyong naging bahagi,
Sa kwento ng buhay kong may saysay at kulay dahil sa’yong ngiti.
Kaibigan, paalam—ngunit di sa damdamin,
Sa alaala mo, mananatili akong lihim na hangin.
At kung sakali mang muli tayong magtagpo,
Sana’y madama kong muli ang halakhak na minsang naging tahanan ko.
