04/02/2025
Ito na ang huling yugto ng laban natin sa Senators of the 19th Congress!
Limang araw na lang ang natitira sa Senate calendar bago tuluyang mawalan ng oras para sa Senate Bill 2573 o ang MedCann Bill.
Dahil walang session pagkatapos ng Pebrero 7, kung hindi ito maipasa bago ang deadline, patuloy ang hearings sa Senado sa harap ng bagong set of Senators ngunit babalik sa simula ang bill natin sa House of Representatives matapos ang eleksyo. Ibig sabihin, taon na naman ang hihintayin bago muling umusad ang panukala sa Congress!
Ngayon na ang panahon para magkaisa at ipanawagan ang agarang pagpasa ng MedCann bill sa ikatlong pagbasa sa Senado.
Ano ang pwede nating gawin?
✅ Mag-ingay sa social media!
✅ Tawagan at i-email ang mga senador!
✅ Hikayatin ang iba na sumali sa panawagan!
📌 Gamitin ang Senate Directory para makipag-ugnayan sa mga senador:
https://legacy.senate.gov.ph/[UPDATED]%20The%20Senators'%20Directory_10.25.2023.pdf
---
Halimbawa ng mensahe o email:
Sbject: Unahin at Ipatupad ang Senate Bill 2573
Mahal na Senador [Name],
Limang araw na lang ang natitira sa Senate calendar. Hinihiling naming unahin at ipasa ang Senate Bill 2573 bago matapos ang session sa Pebrero 7.
Napakaraming Pilipino ang nangangailangan ng ligtas at legal na access sa medical cannabis. Huwag nating hayaan na muling maantala ang batas na ito—oras na para isulong ang karapatan ng mga pasyente sa mas epektibong lunas!
Suportahan ninyo ang MedCann Bill at isulat ang inyong pangalan sa kasaysayan bilang tagapagtaguyod ng makataong batas na ito.
Maraming salamat.
