28/05/2021
🌷An Open Letter sa mga “NEWBIE” sa World of Ukay.
Madalas ko pong napapansin netong mga nakaraang araw sa mga ukay groups. Karamihan po ng mga nagpopost ngayon ay “LOOKING FOR” ng mga Supplier ng Ukay.
Madalas po eto ang ating nababasa,
“LOOKING FOR: SUPPLIER NG UKAY, ROMPERS/JUMPSUIT YUNG MAGANDA, YUNG WALANG TAPON. YUNG MAY SAMPLES/VIDEO. YUNG MAY FREE MANNEQUIN. YUNG MAY COD. YUNG MAY FREE SHIPPING. BUDGET: P1,000. NAGSISIMULA PALANG PO AKO”
Para po sa mga baguhan sa ukay. Narito po ang iba’t ibang uri ng Ukay.
1. SINAKOS - Ano ang sinakos? Ang sinakos o kung tawagin ay BARGAIN, ay isang uri ng Ukay na kung saan kapag nagbukas ka ng isang buong bulto, at may mga mapipili kang may damage (butas/mantsa/kulang butones/sira zipper/lumang garter/lumang istilo/Pambahay/Basahan) madalas po ang punta ay SINAKOS. Ngunit, hindi naman karamihan ng sinakos ay PANGET. Dahil depende po ito sa pagtingin ng Seller na binibilhan ninyo ng sinakos. May mga Seller na kahit walang damage, basta’t hindi sya nagagandahan, sa sinakos ang lagay. Swertihan sa seller at Diskarte lamang sa Bargain ang susi diyan. Wala pong tinatawag na SEMI SINAKOS. Again, SA SINAKOS, DISKARTE IS THE KEY.
2. PREPACKED - Ano ang prepacked? Ang prepacked ay mga item na nirerepack ng mga Ukay Seller mula sa nabuksan na bulto. Ang prepacked ay hindi rin po perpekto, dahil kadalasan, ang prepacked ay halo ng MAGANDA AT PANGET. Hindi ho porket prepacked, perpekto’t wala ng damage ang laman. Minsan ho ay may item na, kulang lang sa laba, pero maayos parin kaya isinasama sa prepacked. Syempre po, kung ano lamang ang laman ng bultong nabuksan namin, yun din ang ibibigay namin sa inyo. Fair distrubution naman ang prepacked, madalas.
3. SELECTION - Ano ang Selection? Ang selection ay items na ikaw mismo ang pipili ng makukuha mo. TAKE NOTE: WALA PONG SELECTION NA WORTH ₱500-₱1,500 at bibihira po ang mga Seller na nagpapa-Select. Dahil kung talagang magaganda ang ilalatag nila, malamang i-reretail nila yan kesa ipa-Select na kung saan, sa Retail mas malaki ang kikitain nila. At sa SELECTION po, madalas may MINIMUM items required. 10-20 pieces? Selection? Tapos magkano item per Selection? ₱30? Sa tingin nyo may tutubuin pa Seller na magpapa-Select?
4. QUARTER BALE/ HALF BALE/ WHOLE BALE - As long as it is FACTORY SEALED, wala pong nakakaalam ng laman nyan. Tanging CODE lang ang masisigurado ng mga Seller, pero yung mismong laman po ng bultong makukuha ninyo, hindi po yan magagawan ng himala ng mga Sellers/Suppliers/Importers na puro magaganda lang ang laman. LAHAT PO NG KLASE NG BULTO, MERON AT MERONG TAPON. Lahat po ng klase ng bulto, may damage. Ultimo GOLD RAGS, may ilang piraso padin dyan na pang sinakos. Kaya’t kung nakapag bukas po kayo ng panget na bulto, wag natin isisi sa SUPPLIER/SELLER/IMPORTER, dahil wala po silang kinalaman dyan. Ang assurance lang na maibibigay nila, ay feedback galing sa iba. Maari kayong mag reklamo, kung mali ang CODE na ibinigay sa inyo at iba sa napag usapan ninyo.
Ito po ay isa lamang kaalaman at paalala para po sa mga baguhan sa mundo ng Ukay. Sana’y huwag naman po tayong maghanap ng “impossible”. Para maiwasan din natin yung ma-SCAM o MALOKO sa item na kukunin natin. I-ayon po natin ang BUDGET natin, sa hinahanap natin item. Hindi porket “NEWBIE” ka sa ukay, ₱500 to ₱1,000 na ang budget, tapos ang gusto yung “PWEDE SA MAARTE” ang gusto yung ibibigay sa kanila yung “QUALITY”.
₱500 to ₱1,000 budget dahil takot ma-scam, takot sumugal, pero gusto lang sumubok. Mali po yang ganyang thinking. Kung gusto nyo po mabigyan kayo ng Quality Items, ng items na pwedeng pwede sa maarte, dagdagan po natin yung budget natin.
Wag po tayo mag expect ng bongga, pero ang budget natin pang SINAKOS/PANG BARGAIN lang. Dito po kadalasan nagsisimula ang mga reklamo.
Gusto mo ng maayos, maganda, pero ang budget mo, pang sinakos.
Gusto mo ng mala “LOUIS VUITTON” pero ang budget mo pang FAKE NA LONG CHAMP.
At para naman po sa lahat ng kapwa ko Sellers, sana po lagi tayong maging honest sa mga item na binebenta natin. Huwag po tayong MAKABENTA LANG. Lagi po natin iisipin, lahat tayo nag simula sa maliit. Kung maliit na halaga, bibiguin natin ang mga Buyer, madadala yang mga yan. Kung patuloy kang hindi magiging tapat, darating ang araw, wala ng bibili dahil dalang dala na sila umulit.
HAPPY SELLING MGA KA-UKAY! ❤️❤️🤗
- CCTO -
