27/11/2021
کیسی ہو ؟
”ٹھیک ہوں“
کیا کر رہی ہو؟
”کچھ نہیں“
جاگ کیوں رہی ہو؟
”نیند نہیں آ رہی“
نیند کیوں نہیں آ رہی ؟
”عادی ہوں“
یہ کیسی عادت ہے؟
”اللّٰہ آپکو محفوظ رکھے“
کس نے عادی کیا؟
”پتہ نہیں“
خوش ہو؟
”نا“
خفا ہو؟
”نا“
کسی کا انتظار ہے؟
”نا“
کوئی آ رہا ہے؟
”نا“
پھر یہ سب کیا ہے؟
”پتہ نہیں“
کسی کی یاد آ رہی ہے؟
”ہاں“
کوئی ہے؟
”نہیں“
یہ کیا جھمیلا ہے؟
”سمجھ نہیں پا رہی“
کچھ تو اچھا بولو؟
”کچھ اچھا ہے بھی تو نہیں“
محبت کرتی ہو؟
”نا“
آنکھیں کیوں لال ہے؟
”نیند پوری نہیں“
تو سو جاٶ نا؟
”نیند آے تب نا“
موبائل چھوڑو سو جاٶ؟
”زمین جگہ نہیں دے رہی“
پھر یہ کیا ماجرا ہے؟
”دل پہ بوجھ ہے“
کسی کی یاد میں؟
”پتہ نہیں“
زندگی مشکلات میں ہے؟
”بہت زیادہ“
دل میں درد ہو رہا ہے؟
”بہت عرصے سے“
عید کی خریداری کی؟
”نا“
کیوں؟
”پچھلے سال کے پڑے ہیں “
وہ تو پرانے ہو گٸے ہوں گے نا؟
”پہنے ہی نہیں“
کونسا کَلر تھا؟
”کالا“
کالا تو غم و دکھ کی نشانی ہے؟
”پسند ہے“
تو سفید کیوں نہیں؟
”وہ لوگ لیں گے نا میرے لیے“
کون لوگ؟
”وہ جو اکیلا چھوڑ گٸے ہیں “
اتنی ناامید کیوں ہو؟
”ناامید نہیں امید رکھتی ہی نہیں“
دنیا تو بہت بڑی ہے اتنی بے زار کیوں ہو؟
”میرے لیے چھوٹی ہے اتنی کہ گُھٹن ہوتی ہے“
کیا چاہیے؟
”نیند“
کیسی نیند؟
”کہ پھر آنکھیں نہ کھولوں، کسی کی آواز نہ سُنوں، کسی کو آواز نہ دوں، بس ایک کال کوٹڑی اور میں“
آپ پاگل ہو؟
”شاید“
ایسی باتیں کیوں کر رہی ہو؟
”تم نہیں سمجھ سکتے“
کہاں رہتی ہو؟
”انجان شہر میں“
کون ہے آپ کے ساتھ؟
”انجان لوگ“
ان کے ساتھ خوش تو ہو نا؟
”نا مجبوری ہے“
کیا کہوں آپکی باتیں کچھ ٹھیک نہیں!
”ٹھیک ہی تو کہہ رہی ہوں“
کوئی یاد آتا ہے؟
”ہاں“
کون؟
”جو نہیں آنے والا“
کہاں گیا وہ ؟
”قبر میں“
تو بھول جاٶ؟
”بھلانے میں شاید میری عمر سے بھی زیادہ عرصہ درکار ہے، کچھ سمجھ نہیں آرہا لیکن“
لیکن کیا؟
”لیکن بھلاے نہیں بھولتے“
کسی اور کو اپنا بنالے شاید رفتگاں بھول پاٶ؟
”دنیا میں کوئی اور ہے ہی نہیں“
آپ اندھی ہو گٸی ہو ؟
”میں نہیں میرا دل“
تو کیا ہوگا آخر؟
چار تکبیر کی نماز إِنَّا لِلّهِ وَإِنَّـا إِلَيْهِ رَاجِعونَ.............
*زندگی جبر مسلسل کی طرح کاٹی* *ہے....*
*جانے کس جرم کی پاٸی ہے سزا یاد* *نہیں* ..
۔۔۔۔۔۔۔۔۔۔
