28/11/2025
میرے بس میں نہیں ورنہ قدرت کا لکھا ہُوا کاٹتا
تیرے حصے میں آئے بُرے دن کوئی دوسرا کاٹتا
لاریوں سے زیادہ بہاؤ تھا تیرے ہر اک لفظ میں
میں اشارا نہیں کاٹ سکتا تری بات کیا کاٹتا
میں نے بھی زندگی اورشب ِ ہجر کاٹی ہے سب کی طرح
ویسے بہتر تو یہ تھا کہ میں کم سے کم کچھ نیا کاٹتا
تیرے ہوتے ہوئے موم بتی بجھائی کسی اور نے
کیا خوشی رہ گئی تھی جنم دن کی میں کیک کیا کاٹتا
کوئی بھی تو نہیں جو مرے بھوکے رہنے پہ ناراض ہو
جیل میں تیری تصویر ہوتی تو ہنس کر سزا کاٹتا
