Funakeesh.

11/11/2021

تطبيق بسيط جدا بالريزن باستخدام بعض محتويات علبة صوفي وتوفي لشهر نوڤمبر ٢٠٢١
لمشاهدة محتويات العلبة كلها هاتلاقوا الفيديو على قناة Funakeesh على اليوتيوب 👌🏼
ماتنسوش اللايك والسبسكرايب للقناة علشان تشوفوا النتيجة بكرة ان شاء الله 🤗💗

فكرة للريزن بسيطة وسهلة للمبتدئين، يجب الانتباه واستخدام ادوات الوقاية المناسبة اثناء التعامل مع الريزن 👌🏼

26/02/2021

مجرد تجربة لتكنيك شفته في ڤيديو ع اليوتيوب وعجبني اوي 😍❤️
ايه رأيكوا في النتيجة؟ 🤗
في حاجة اسمها الإثراء البصري، تتطلب من الفنان انه يتفرج كتيييييييير اووووووي على كل ما يخص فنه وتجارب الآخرين فيه علشان يبقى عنده قاعدة كبيرة من المعلومات والأفكار والتجارب يبني عليها ويكمل 😉👌🏼
طبعا الشكل اللي كان في الفيديو مختلف تماما وملهوش اي علاقة باللي عملته، لأني مش باقلد الشكل انا باستفيد من الفكرة بس او التكنيك بس 😅👌🏼
هاحطلكوا صورة للقطعة الأصلية (اللي هي احلى بكتير طبعا 🙈) في الكومنتات ☺️👍🏼

#فناكيش


#ماتقلدش

16/02/2021

الستايل ده بيسموه برة Steampunk وبيعملوا على حسه مهرجانات وإيڤنتات وتجمعات بيلبسوا فيها لبس كله بالستايل ده ويعرضوا تصميماتهم واعمالهم في شتى المجالات اللي بنفس الستايل...
حد يعرف عنه او سامع بيه من قبل؟ 😃
ده طبعا تصميمي المتواضع البسيط لتوكة شعر، واللي حاولت يكون على نفس الستايل ده Steampunk 😅

14/02/2021

صباح الفل 😍💐
إلى بطلتنا سلمى مجدي 💪🏼
دي هدية بسيطة خالص علشان اقولك اني فخورة بيكي وأي مجهود بتبذليه هو في عنينا كبير 😍❤️
سلمى بنوتة عسولة خالص ومجتهدة وسباحة ماهرة وعداءة رائعة ورامية خطيرة، ربنا يوفقها ومن تقدم الى تقدم يا حلوة 😍❤️

#فناكيش

28/01/2021

ولا صورة مبينة جمالها الحقيقي والله، من اجمل القطع ع الحقيقة فعلا 😍❤️❤️❤️
وهي حرفيا فناكيش، مفيهاش منطق ولا ثيم ولا أي حاجة هي فنكوشة كده وخلاص 😅

#فناكيش

27/01/2021

صباح الورد 🥰🌸🌼🌺

#فناكيش

26/01/2021

قريبا ان شاء الله فيديو تجربة الألوان اللي عاملة التأثير ده 😃👌🏼

#فناكيش

25/01/2021

الشياكة في السمبلة 😌👌🏼

#فناكيش

24/01/2021

حاولت اعمل حاجات بمحتويات علبة نوڤمبر بس كلهم فشلوا تقريبا!
القوالب شبه مستحيلة 🤔
عملت حوض السمك بالعافية وشكله مش حلو ولا السمكة شكلها سمكة حتى 😅
هحاول تاني اكيد كتير، بس اللي طلع معايا بقى ايه، قالب قاعدة حوض السمك!
اكتشفت ان القالب ده بيعمل قطع تجنن وقمر اوي والله 😂
رغم بساطة وتفاهة وصغر حجم القالب الا ان طلع منه شوية قطع زي السكر... هاحطهملكوا تباعا ان شاء الله 🤗

15/12/2020

دي محتويات علبة نوڤمبر وباصور حاليا الشغل بالحاجات اللي فيها 😅 👍🏼
تحبوا نجرب انهي قالب الاول؟ 🤔

اشتراك صوفي وتوفي لشهر نوڤمبر يا ترى جالي ايه؟ 😱

15/12/2020

يا ترى العلبة دي فيها ايييييه؟؟؟ 🤔

#فناكيش 👻

06/12/2020

القطعة دي احب اسميها، ريزن بلا هدف 🤔
كنت باجرب فكرة اوحيتلي بأفكار تانية الحمد لله بس لسه معملتهومش بقى 😂 ودي قطعة التجربة مش اكتر 😅
#فناكيش
#تجارب