معرض وبازار الميرم

11/09/2024

Shout out to my newest followers! Excited to have you onboard! Salma Ibrahim Ismail, Baha Aldein Mohamed, سوسن علي, ثريا محمد, مروة زكريا, نينا الامين سالوسة, Jaas Algazaley, Sulafa Mongash, سوداني سوداني, Afrah Esmail, Al Tmbas

11/03/2024

رمضان مبارك علي الجميع ربنا يتقبل منا ومنكم صالح الأعمال ويجعلنا من عتقاءه ويرحم جميع موتانا وموتي المسلمين

20/02/2024

❤

#تحياتي الجميلة 👈🏾 Sagda Sahoor
معرض وبازار الميرم
#وتحياتي للشعب الليبي عموما

07/01/2024

مشاريع وحكايات جميييلة إتخلقت وكبرت في السودااان
الناس كلها في ولاياتها بدت تنهض بثقافاتها وعاداتها
وبقينا نزهر ونفرهد ❤

حنلقى ناس بدت تعمل مشروع شاي لبن وزلابية طبعآ انا حأكون داعمه ومشجعه بقووة لأني بحب شاي اللبن 😍
كمااان في ناس بتعمل لغاويس يعني منقققه بالشطه وتبلدي بالشششطه وعرديب بالشششطه ...... الخ
وحنلقى ناس بدت تعمل آيس كريم (داندرما ) بالنكهات بالشوكولاته وبالتبلدي وبالجوافه والمنقققه والكركدي

إنتو حتشوفو دي مشاريع صغيره ومامنها فايده
لاااااااااا دي من أقوى المشاريع الحتكون عائدها مميز وبتدخل البهجه لصاحبه وبتسعد ناس كتييييره فقدت طعم السودان في الغربه

وكمييية مشاريع ومنتجات سودانيه ممييييزه جدآ
حلويات ، عطور وبخور ، معجنات ، جلابيه سودانيه ، مخبوزات ناعم وبسكويت ...الخ ، كروشيه وإكسسوارات ، عصائر سودانيه تبلدي وكركدي ودوم ، دكوة وفول وتسالي ، أبري ورقاق وابري أبيض ، قوقر وأم جنقر ومديدة بلح ومديدة حلبه وقدو قدو ، وجبات سودانيه بلديه قراصه وكسرة وعصيده وباميه فرك وكتييييير من المشاريع

البوست دا يوصل لكل زول/ه كان عندو بزنس وشغل جميل في السودان او حتى عايز يبدأ يعمل بزنس وشغل جديد في #طرابلس #ليبيا ويتعرف علي ناس جديده وعلي شغل جديد ويعرف طرق الإستثمار في ليبيا مع وجود كمييية مشاركين وعشان نحاول ندمج أو نعرف ثقافاتنا وشغلنا للشعب الليبي ونحي (إحياء ) الروتين القاتل الموجود في طرابلس مع تشجيع الأيادي العامله وخلق سوق جديد للسودانين والتسويق للمنتجات داخل طرابلس وخارج طرابلس ، دا كلووو حيكون وييين في معرض وبازار تجاري ضخم حنشارك فيهو كلنا والعائد حيرجع للمستشفيات في السودان خليك عارف إنك حتكون ضمن حدث عظيييم لأوووول مره يحصل في ليبيا ماتخلي الفرصه دي تفوتكم للإستفسار والحجز

مكالمات وو اتس 00218931559725

طبعآ انا فخورة بكل امرأة سودانية وبكل رجل سوداني مبدع ❤️
والنساء السودانيات كالعاده قويات ملهمات مكافحات قويات في كلللل مكان ❤️

03/01/2024

الناس الكانو شاركو معانا في معرض وبازار الميرم وحاليا في ليبيا والماشاركو برضو وحابين يكونوووو ضمن حاجة عظيمه حيكون عائدها لمستشفيات الفاشر والسودان أجمع ان شاء الله
حتى الناس من الولايات التانيه وهم في #ليبيا يتواصلو معاي واتساب

وربنا ينعم علينا بالأمان والناس تكون طيبه والسودان يرجع امن طيب يااارب

00218931559725

27/10/2023

الفاشر شمال دارفور ❤ فاشر السلطان حجر قدو
الفاشر أبو زكريا الفاشر بلد القرآن والنور أرض المحمل موطن الميلاد وأرض الأجداد نتمنى تكوني طيبه وينعم أهلك جميعآ
بالأمن والأمان والاستقرار .

هنا في هذه الصوره أرى نفسي أتجول داخل سوق الفاشر حيث بائعي الفواكه يعلو صوتهم عبر مكبر الصوت وهنا الخضرجيه وأصحاب الملاحم وشية الضأن أصحاب المحلات التجاريه والبقالات وسيدات الفول والتسالي وحلاوة المندكو وحلاوة السمسمية والترمس والقدقدو ووصايا ناس البيت وماما هييييي ي تويا لو راجعه جيبي لينا معاك تفاتيف السوق ترمس وتسالي وكل المسليات أتجول بسرعه داخل السوق محدده وجهتي من قبل دخولها لكن لابد عبر تجوالي أمر علي صيدلة دار السلام لأخي صديق نميري ونتجاذب أطراف الحديث لأنني في كل مره أمر فقط من أمام الصيدليه أجده دائما (انتي يابت العم بتجي ماره فينا كدا سلام الله م بتسلمينا مالك قال ) أحكي له ضيق الوقت مع إكتظاظ المرضى لشراء العلاج وأنا سوف أخصم من زمنهم ثم أودعه لداخل سوق الزنك والسوق الفوق والعطارين ودكان محمود وعم يونس عايزه زيت برتقال وزيت ليمون وزيت لوز مر وبخور تيمان عندك وهنا بعد إتمام عملية الشراء ودعواتي لهم بربنا يفتحها عليكم الرجعه لاتكن سريعه زحمة السوق تجعلني أصل متأخره للموقف عبر مروري بداخل السوق أشتري التفاتيف طعمية اللوبا البحبها والترمس دا مالح ولا لا ياخالتو وعايزه فول نيالا الكبار داك مافي وعايزه لي عجينه وروب بارد كل مارأته عيني من تفاتيف السوق لابد أزور زبوني بتاع العصير يجهز لي عصيري المخصص سفري فأغتنم الفرصه أدخل أسلم علي أخوي جالي إذا كان لدي برنامج نرتب معآ فيه (اووو ساجده كيفك ) وكالعاده أجد محمد الرفاعي بالداخل
( ي رفاعي انت م عندك شغل ولا شنو قاعد طوالي جوه هنا بري منكم ) يضحك ساجده انا والله عارف انك حتبقى رقم ياخ وحتعبري (لغز بيناتنا ) وكمية من الهزل أعود أدراجي إتجاه المواصلات (سلام عليكم مواصلات القبه الدور علي منو تيكو لا والله م بركب تيكو نهائي مابقدر أقعد تحت كدا البعديهو منو عليك الله أنا شايله حاجات تقيله ايوا خلاص طيب الأتوز الأصفر سمح ) أعود عبر خط مواصلات القبه مرورآ بعيادة دكتور أدم صالح أخصائي النساء والتوليد وصديقي الدكتور أدم إسحق أخصائي الباطنيه مجمع نبض الطبي شارع الذياديه مستوصف شوف للعيون بيت حبوبه ربنا يرحمها ويحسن مثواها وبيوت خالاتي وخيلاني ثم مستشفى العيون شارع بيتنا دكان عمي محمد أحمد الترزي خلاص أقيف لي هنا بيت المرحوم عمر عبد القادر أبوي عميد الأسره وحبيب الكل عليه رحمة الله ، الفاشر فيها إلفه وحنيه في بيوتها وشوارعها وتفاصيلها كلها سكان الفاشر كلهم أهل مع بعض في المناسبات الأفراح والأحزان بتلقاهم متحدين وساندين بعض ، أمانه لكل سكان الفاشر ومحبيها ندعو الله من كل قلبنا تكون محفوظه ومحاوطه بملائكة الرحمه فاردين جنحينهم فيها موزعين كل الأمان والطمأنينه علي كل الموجودين ووعد مننا الحرب تقيف نرجع نعمر كل الدمار الحصل مع بعض المحتاج يتبني نبنيهو والمحتاج يتلون نلونه ونلون كل بيوتنا بألوان جديده مبهجه وفرايحيه فرحانين بعودة الحياه الملائكيه والضحكه الحلوه نزور أسر الشهداء المتوفين نطايبهم ونطيب خاطرهم ونشد من أزرهم وأنا إن شاء الله متبرعه بعدد 10 جردل بوماستيك كخطوة أولى للمستشفي وان شاء الله الوضع يتحسن وأقدر أساعد بكل شي تاني كمان نلون كل الدور الخدميه ونبدأ بيهم نخلي البلد كلها الوان جذابه وتدخل جوانا أمل لحياه أفضل واجممممل اشوف كم زول تاني حيكون معاي 🥰

وياغريب عن ديارك مصيرك تعود بعد غربه وسنين مصيرك تعود 😓

04/05/2023

ننتظر صباحا مشرقا بالأمل والأمن والاطمئنان يا رب 🤲

01/05/2023

28/04/2023

جالي للإنتاج الإعلامي والفني
مركز بيز الثقافي الإعلامي Beaz Centr for media
ALARA CAFE & Restaurant
جقول إيزو Potographey
العمبراوي
احسان افريكانو
مركز المبادرون للتدريب وريادة الأعمال
مركز وعي للتدريب _ فرع الفاشر
محمد جلال الجقوڵ
مراكزالعمبراوي للتجميل والعلاج بالاعشاب فرع الفاشر
مركز وعي للتدريب
مركز خطاوي للتدريب وبناء القدرات

28/04/2023

جقول إيزو Potographey
جالي للإنتاج الإعلامي والفني
جمعية تنظيم الاسرة السودانية_قطاع شمال دارفور قطاع الشباب
مركز بيز الثقافي الإعلامي Beaz Centr for media
مركز وعي للتدريب _ فرع الفاشر
مركز وعي للتدريب
مركز المبادرون للتدريب وريادة الأعمال
مراكزالعمبراوي للتجميل والعلاج بالاعشاب فرع الفاشر
ALARA CAFE & Restaurant