22/04/2023
ربنا يهون علي الجميع الايام القاسية دي 💔💔
الاطفال يا جماعة حاولوا بس طمنوهم بقدر الامكان .. اعملو برامج معاهم وقصص كرتونية او اي طريقة تشتت إنتباهم عن الحاصل .. او احكو الحاصل بروايات فيها ابطال بظهرو وبنتصرو وعن ربنا وانو بحب الاطفال وبحميهم ..
حاولو رغم انو صعب .. لانو الاطفال الاتوفو بنوبات هلع وقلق وذعر كان امر مؤلم جدا 💔💔
حاولو ما تكوركو فيهم او تنعتوهم باي صفات او تحكمو عليهم او تقارنو ردفعل طفل باخوه او اختو..اي طفل بعبر بطريقة مختلفة .. ووروهم كيف يحمو نفسهم ويعملو شنو لمن يكونو خايفين .. دربوهم وشجعوهم وخليهم يظهرو الضعف ده ببكاء وباي شي التفريغ افضل ..
امتحان صعب جدا والمؤمن مصاب وبشر الصابرين .. شدة وتزول وربنا يحقن الدماء ويحفظ الارواح كلو تاني هين .
