14/07/2026
#စင်ကာပူ Toto ထိပ်တန်းဆု S$12.8 သန်းကို ကံထူးရှင်လက်မှတ် ၂ စောင် ဆွတ်ခူး
စင်ကာပူမှာ လူအများ စိတ်ဝင်စားစွာ စောင့်မျှော်ခဲ့ကြတဲ့ ၂၀၂၆ ခုနှစ် ဇူလိုင် ၁၃ ရက်နေ့ Toto ကံစမ်းမဲမှာ S$12.81 သန်းအထိ စုဆောင်းမြင့်တက်လာခဲ့တဲ့ Group 1 ထိပ်တန်းဆုကြီးကို ကံထူးရှင်လက်မှတ် ၂ စောင်က ဆွတ်ခူးသွားခဲ့တယ်လို့ Singapore Pools က ထုတ်ပြန်ခဲ့ပါတယ်။
ကံထူးရှင်လက်မှတ်တစ်စောင်ဟာ QuickPick System 7 Entry ဖြစ်ပြီး Bedok Reservoir Road၊ Block 121 မှာရှိတဲ့ A.P. Mini Mart ကနေ ဝယ်ယူခဲ့တာ ဖြစ်ပါတယ်။
နောက်ထပ် ကံထူးရှင်လက်မှတ်တစ်စောင်ကလည်း QuickPick System 7 Entry ဖြစ်ပြီး အွန်လိုင်းကနေ ထိုးထားတဲ့ လက်မှတ်ဖြစ်ပါတယ်။
အဆိုပါ Cascade Draw ရဲ့ Group 1 ထိပ်တန်းဆု စုစုပေါင်းပမာဏဟာ S$12,817,992 ဖြစ်ပြီး ကံထူးရှင်လက်မှတ် ၂ စောင်က ခွဲဝေရရှိမှာဖြစ်တာကြောင့် တစ်စောင်လျှင် S$6.4 သန်းခန့် ရရှိမှာ ဖြစ်ပါတယ်။
ယခင် ကံစမ်းမဲ ၃ ကြိမ်ဆက်တိုက်မှာ Group 1 ထိပ်တန်းဆု ကံထူးရှင် မပေါ်ထွက်ခဲ့တာကြောင့် ဆုကြေးငွေဟာ S$12.8 သန်းကျော်အထိ စုဆောင်းမြင့်တက်လာခဲ့တာ ဖြစ်ပါတယ်။
ဇူလိုင် ၁၃ ရက်နေ့ ကံစမ်းမဲရဲ့ ကံထူးဂဏန်းတွေကတော့ 14, 22, 32, 33, 36 နဲ့ 46 ဖြစ်ပြီး အပိုဆုဂဏန်းကတော့ 42 ဖြစ်ပါတယ်။
Group 2 ဆုမှာတော့ ကံထူးရှင် ၁၂ စု ရှိခဲ့ပြီး တစ်စုလျှင် S$124,595 ရရှိမှာ ဖြစ်ပါတယ်။
ဒါ့အပြင် S$10 တန် Group 7 ဆု ကံထူးရှင်ပေါင်း 550,854 စု ရှိခဲ့ပါတယ်။
ကံထူးဆုတွေကို ၂၀၂၇ ခုနှစ် ဇန်နဝါရီ ၉ ရက်နေ့မတိုင်မီ လာရောက်ထုတ်ယူရမှာဖြစ်ပြီး အဲ့ဒီနေ့အထိ လာရောက်ထုတ်ယူခြင်းမရှိတဲ့ ဆုငွေတွေကို Tote Board က စီမံခန့်ခွဲတဲ့ လှူဒါန်းမှုနဲ့ ထောက်ပံ့ငွေအစီအစဉ်တွေမှာ အသုံးပြုသွားမှာ ဖြစ်ပါတယ်။
#စလုံးသတင်းSGNews
