19/03/2020
ការត្រៀមខ្លួនប្រសិនជា COVID-19 ស្ថិតក្នុងស្ថានភាពប្រកាសអាសន្ន
----------
ប្រសិនជាវីរុស COVID-19 នៅតែបន្តការឆ្លង នោះវាជះឥទ្ធិពលខ្លាំងណាស់ចំពោះអ្នកមានបញ្ហាផ្នែកជីវភាព ត្រូវដឹងថាប្រសិនជាវាមានលក្ខណទ្រង់ទ្រាយធំ អ្នកឆ្លង អ្នកនឹងត្រូវបានគេដាក់ដាច់ដោយឡែក ហើយពិបាកក្នុងការរកអ្នកមើលថែទាំ ខាងក្រោមនេះជាចំណុចខ្លះដែលត្រូវយល់ដឹង និងត្រៀមលក្ខណៈទុកជាមុន៖
-ត្រូវមានលុយបម្រុងសម្រាប់ចាយវាយរយៈពេលវែង ៣ ឬ៤ខែ ទម្រាំអាចរកថ្នាំព្យាបាល និងបង្កាបាន ព្រោះបើស្ថិតនៅភាពប្រកាសអាសន្ន មុខរបរ ធានាគារ ផ្សារមួយចំនួននឹងត្រូវបិទ ដូច្នេះយល់ល្អអាចដកលុយបម្រុងសម្រាប់ការចាយវាយរយៈពេលនេះ។
-ធ្វើការណែនាំចាស់ៗ ពិសេសអ្នកមានជំងឺឱ្យថែទាំសុខភាព មួយរយៈពេលនេះកុំឱ្យគាត់ទៅវត្ត ឬកម្មវិធីបុណ្យធំៗ ព្រោះចាស់ៗងាយរកគ្រោះនឹងវីរុសនេះណាស់ ជាពិសេសអ្នកមានជំងឺប្រចាំកាយ បើគាត់ឆ្លងគ្មានអ្នកមើលថែគាត់ទេ ព្រោះវាមិនមែនជាជំងឺធម្មតានោះទេ។
-ផ្លាស់ប្តូរទម្លាប់ការទទួលទានស្លាបព្រាចូលគ្នា ញាំអាហារដោយប្រើដៃ ផឹកទឹកកែវរួមគ្នាទោះបីស្ថិតនៅក្នុងកាលៈទេសៈណាក៏ដោយ អ្នកមិនអាចដឹងថាអ្នកណាឆ្លងឬមិនឆ្លងនោះទេ ត្រូវប្រយ័ត្នរៀងខ្លួនទើបល្អ
-ត្រូវកាត់បន្ថយការចំណាយដែលមិនចាំបាច់ ដើម្បីទុកធនធានចំណាយនៅពេលដែលអ្នកគ្មានការងារក្នុងរយៈពេលនេះ។
-ធ្វើការលុបចោលកម្មវិធីជួបជុំផ្សេងៗ កម្មវិធីទាំងនេះជាការសាយភាយដ៏ខ្លាំងក្លា
-កុំធ្វើដំណើរទៅទីណាដែលមិនចាំបាច់ ពិសេសពិធីជួបជុំផឹកស៊ី
-ភ្ជាប់ទំនាក់ទំនងតាមរយៈទូរស័ព្ទ ប្រើប្រាស់កម្មវិធីដើម្បីទំនាក់ទំនងគឺជាជម្រើសល្អ
-កុំធ្វើការប្រមាថនឹងវីរុសនេះទោះបីអ្នកមានសុខភាពល្អ ភាគរយនៃការស្លាប់តិច តែវាចម្លងសាហាវណាស់ ប្រសិនជាអ្នកមិនចេះការពារខ្លួន
-អនាម័យជាប្រចាំ បើខ្លួនឆ្លងកុំចម្លងដល់អ្នកផ្សេង ព្រោះវាវិលវល់ចុះៗឡើង
-ត្រួតពិនិត្យកូនរបស់អ្នក ទោះបីជាសាលាត្រូវបានបិទ តែពួកគេចេញក្រៅផ្ទះទៅកន្លែងដែលមានគ្រោះថ្នាក់ជាច្រើនទៀត
-បរិភោគអាហារឱ្យបានគ្រប់គ្រាន់ ហាត់ប្រាណ ដើម្បីប្រព័ន្ធការពាររាង្គកាយខ្លាំងក្លាក្នុងការប្រយុទ្ធជាវីរុសផ្សេងៗ។
-យើងមិនដឹងថាមេរោគនេះវានឹងចប់នៅពេលណានោះទេ ត្រូវបង្រៀនកូនៗអ្នកឱ្យព្យាយាមរៀនសូត្រដោយខ្លួនឯង ព្រោះធនធានមនុស្សសំខាន់ណាស់ គ្មានធនធានជីវភាពនឹងលំបាក សេដ្ឋកិច្ចជួបបញ្ហា អ្នកគ្មានអ្វីបង្រុងទេ កុំយកពេលនេះទុកចោល ហើយមិនព្រមអភិវឌ្ឍន៍ខ្លួន នេះជាមរៀនល្អមួយបង្រៀនមនុស្សកុំឱ្យមើលស្រាលស្ថានភាព បង្រៀនមនុស្សឱ្យចេះស្រឡាញ់គ្នា ឱ្យគេយល់ថាសុខភាពសំខាន់ជាងអ្វីៗទាំងអស់។
