23/01/2026
အသက် (၅) နှစ်အရွယ် ကလေးငယ် Liam ကို ICE ဖမ်းဆီးခေါ်ဆောင်သွား 💔🇺🇸
ပုံထဲက Spiderman ကျောပိုးအိတ်လေး လွယ်ထားတဲ့ ကလေးလေးကို ကြည့်ပါဦး။ သူ့နာမည်က Liam ပါ။ အသက်က (၅) နှစ်ပဲ ရှိပါသေးတယ်။ Columbia Heights က ကျောင်းမှာ Pre-K တက်နေတဲ့ ကလေးလေးပါ။
သူ့ဆရာမက ပြောတယ်... Liam က အရမ်းလိမ္မာပြီး ချစ်ဖို့ကောင်းတဲ့ ကလေးတဲ့။ အတန်းထဲရောက်လာရင် အခန်းတစ်ခုလုံး လင်းသွားသလို ခံစားရစေတဲ့ ကလေးလေးပါ။ အခုတော့ သူ့ခုံပေါ်မှာ သူရေးလက်စ စာရွက်လေးနဲ့ အတန်းထဲက သူ့သေတ္တာလေးထဲမှာ စောင်လေး၊ ရေသန့်ဘူးလေး ကျန်ရစ်နေခဲ့ပါပြီ။
ကျောင်းဆင်းလို့ အိမ်ပြန်ရောက်တဲ့အချိန်မှာ ICE (လဝက) က ဝင်ရောက် ဖမ်းဆီးခဲ့တာပါ။ ရင်နာစရာအကောင်းဆုံးကတော့... မျက်နှာဖုံးစွပ်ထားတဲ့ အရာရှိတွေက ဒီ (၅) နှစ်အရွယ် ကလေးလေးကို အိမ်ရှေ့တံခါးမှာ တံခါးသွားခေါက်ခိုင်းပြီး၊ အိမ်ထဲက ကျန်တဲ့ မိသားစုဝင်တွေ ထွက်လာအောင် "Bait" (ငါးစာ) အဖြစ် အသုံးချခဲ့တယ်လို့ ဆိုပါတယ်။
"ရာဇဝတ်မှု ကျူးလွန်သူတွေကိုပဲ ဖမ်းနေတာပါ"၊ "တရားဝင် လမ်းကြောင်းက လာပါ" လို့ ပြောနေကြပေမယ့် Liam တို့ မိသားစုအခြေအနေက ဒီလိုပါ -
👉 သူတို့မှာ တရားဝင် လျှောက်ထားဆဲ Active Asylum Case ရှိပါတယ်။
👉 Deportation Order (ပြည်နှင်ဒဏ်) မရှိပါဘူး။
👉 ရှေ့နေရဲ့ အဆိုအရ သူတို့သားအဖဟာ "Port of Entry" လို့ခေါ်တဲ့ တရားဝင် နယ်စပ်ဂိတ်ကနေ ဝင်ရောက်လာသူတွေ ဖြစ်ပြီး၊ ဥပဒေနဲ့အညီ နေထိုင်နေသူတွေ ဖြစ်ပါတယ်။
ဒါပေမယ့် အခုတော့ အမေဖြစ်သူနဲ့ အစ်ကိုဖြစ်သူတို့ ကျန်ရစ်ခဲ့ပြီး၊ Liam လေးကို Texas ပြည်နယ်က ထိန်းသိမ်းရေး စခန်းဆီ ပို့ဆောင်လိုက်ပြီလို့ သိရပါတယ်။ 😭
အပြစ်မရှိတဲ့ (၅) နှစ်အရွယ် ကလေးတစ်ယောက်ကို မိသားစုနဲ့ ခွဲထုတ်လိုက်တာဟာ တကယ်ကို ရင်ကွဲစရာပါပဲ။ ဥပဒေ စိုးမိုးရေး (Law and Order) ဆိုတာထက် လူသားချင်း စာနာမှု ကင်းမဲ့လွန်းရာ ကျနေပါပြီ။
Credit: The Burmese American
Source: Incident Report regarding Liam & Columbia Heights Valley View Elementary
