07/04/2026
အပူဒဏ်ခံရချိန်မှာ ဘာတွေစားသောက်ကြမလဲ
🌞🌞🌞🌞🌞🌞🌞🌞🌞🌞🌞🌞🌞🌞
ဧပြီလ လဆန်းကစပြီး တစ်ရက်ထက် တစ်ရက် သိသိသာသာ ပိုပြီးပူလာတဲ့ ရာသီဥတုကြောင့် Crystal တို့အားလုံး နေ့ဘက်တွေသာမက ညပိုင်းတွေမှာပါ နေရတာ အတော်လေး အဆင်မပြေကြတော့ပါဘူး။ အပူချိန်မြင့်လာတာနဲ့အမျှ အစားအသောက်စားရတာလည်း စားချင်စိတ်မရှိတော့ဘဲ ဘာစားစား အရသာ မရှိ၊ ရေတွေပဲသောက်ပြီး ဗိုက်ပြည့်နေတာမျိုးတွေ ကြုံနေကြမှာပါပဲ။
ဒါကြောင့်မို့ ဒီ post လေးမှာ ရာသီဥတုနဲ့ ကိုက်ညီပြီး၊ ရေဓာတ်ဖြည့်ပေးတဲ့၊ အားလည်းရှိစေမယ့် အစားအစာတွေအကြောင်း ပြောပြပေးချင်ပါတယ်။
⛔️ ဟင်းတွေကို ဆီပြန်၊ ဆီကြော်စသည်ဖြင့် စားခြင်းက အစာချေဖျက်ရတဲ့ အချိန်ပိုကြာစေလို့ ဗိုက်ကို အချိန်ကြာကြာပြည့်အင့်စေပါတယ်။ ရာသီဥတု ပူတာကြောင့် အဲ့လိုဟင်းတွေကို မြင်လိုက်ရင်လည်း မစားချင်ကြတော့တာ များပါတယ်။
⛔️ အပူအစပ်ကတော့ ပူပူလောင်လောင် ဒီရာသီမှာ ပြောစရာတောင် မလိုပါဘူးနော်၊ ပူလွန်းလို့ စားကို မစားသင့်တာပါ။
⛔️ သွေးတိုးရောဂါ ရှိသူတွေကတော့ စားလိုက်တဲ့ အစားအသောက်တွေမှာ အငန်ဓာတ် မလွန်ကဲစေဖို့၊ အဆီဓာတ်မများစေဖို့ ပူတဲ့ရာသီဥတုမှာ ပိုသတိပြုရပါမယ်။
🥙 အသား၊ ငါးတွေကို အသီးအရွက်လေးတွေနဲ့ ရောပြီး ကြော်ချက်ပုံစံချက်ခြင်း၊ ချဉ်ရည်ဟင်းလိုချက်စားခြင်းက အရသာလည်းရှိ၊ အာဟာရလည်း ဖြစ်စေပါတယ်။
ဥပမာ - ငါးနဲ့ ကန်စွန်းရိုးနီချဉ်ရည်ဟင်း၊ ကြက်သားအသီးအရွက်စုံကြော်၊ ပုစွန်သီးစုံချဉ်ရည်ဟင်း စသဖြင့်ပေါ့နော်။
🥗 အသား၊ ငါးနဲ့ အသီးအရွက်လေးတွေကို သုပ်စားခြင်းကလည်း စားရတာ ခံတွင်းလိုက်စေလို့ ခုလိုချိန်မှာ အံကိုက်ပဲပေါ့။ ဥပမာ - ငါးဖယ်နဲ့ မြင်းခွါရွက်သုပ်၊ ကြက်သားဟင်းနုနွယ်သုပ် စတာမျိုးပေါ့။
အသား၊ ငါး သီးသန့်ချည်း စားတာထက် Crystal ကတော့ ဟင်းသီးဟင်းရွက်နဲ့ ရောပြီးစားရတာကို ပိုသဘောကျပါတယ်။
ဘာလို့လဲဆိုတော့....
[၁] အသီးအရွက်ပါလို့ ရေဓာတ်ပိုရပါတယ်၊
[၂] အာဟာရဓာတ် စုံလင်စေပါတယ်၊
[၃] တစ်မျိုးတည်းကနေ အာဟာရဓာတ် စုံလင်စေပြီး အရသာလည်းရှိလို့ အချိန်ကုန်၊ ငွေကုန်၊ လောင်စာကုန် သက်သာစေပါတယ်။ (ခုလိုချိန်မှာ ပိုပြီး အဆင်ပြေစေတာပေါ့ 😅😅)
🍉 သင်္ဘောသီး၊ ဖရဲသီး၊ သခွါးမွှေးသီး၊ လိမ္မော်သီး၊ စတော်ဘယ်ရီသီးစတဲ့ အရည်ရွှမ်းတဲ့ သစ်သီးတွေကို စားတာ၊ ဖျော်သောက်တာတွေလည်း လုပ်ခြင်းဖြင့်လည်း ရေဓာတ်ပြည့်ဝစေပါတယ်။
💧ရေသောက်ဖို့လည်း မမေ့ပါနဲ့နော်။
💧ရေကို တစ်နေ့မှာ အနည်းဆုံး ၂.၅ လီတာခန့် သောက်သင့်ပါတယ်။ မိမိလုပ်ရတဲ့ အလုပ်၊ ချွေးထွက်တဲ့ ပမာဏပေါ် မူတည်ပြီး လူတစ်ယောက်နဲ့ တစ်ယောက် မတူပါဘူး။ ချွေးထွက်များတဲ့နေ့၊ အပူချိန် ပြင်းလွန်းတဲ့နေ့တွေမှာ ဓာတ်ဆားရည်၊ အုန်းရည်၊ သစ်သီးဖျော်ရည်လိုမျိုးတွေလည်း သောက်သင့်ပါတယ်။
⛔️ တစ်ခါတစ်ရံမဟုတ်ဘဲ ချွေးထွက်တိုင်း၊ ရေဆာတိုင်းမှာ carbonated drinks တွေဖြစ်တဲ့ ကိုကာကိုလာ၊ စပါကလင်၊ ကရင်ဆိုဒါ စတဲ့ အချိုရည်တွေ၊ နောက်ပြီး အားဖြည့်အချိုရည်လို့ အများသိကြတဲ့ energy drinks တွေကို မသောက်သင့်ပါဘူး။
💧ချွေးထွက်တိုင်းမှာ ကိုယ်ခန္ဓာကဆုံးရှုံးသွားတဲ့ ရေနဲ့ ဓာတ်ဆားတွေကို ပြန်လည်ဖြည့်ပေးနိုင်တဲ့ အရည်မျိုးကိုသာ သောက်ရမှာ ဖြစ်ပါတယ်။ ဒါမှသာ ရေနဲ့ ဓာတ်ဆားတွေ မဆုံးရှုံးဘဲ ကြွက်တက်ခြင်း၊ သွေးပေါင်ကျခြင်းစတာတွေကို မခံစားရမှာ ဖြစ်ပါတယ်။
🍺 အရက်၊ ဘီယာ၊ ဝိုင်စတဲ့ alcohol တွေ သောက်တာကိုလည်း ရာသီဥတု ပူတဲ့အချိန်မှာ ဆင်ခြင်သတိပြုသင့်လှပါတယ်။
သိချင်တာ၊ မေးချင်တာလေးတွေကို comment or cb မှာ မေးနိုင်ပါတယ်နော်။ 🫶🏻🫶🏻🫶🏻
အားလုံးပဲ အပူချိန်မြင့်မားတဲ့ ကာလတွေမှာ ဆီလျော်ကိုက်ညီမှုရှိတဲ့ အစားအစာတွေ ရွေးချယ်စားသုံးခြင်းဖြင့် ရောဂါဘယ ကင်းဝေးပြီး၊ ကျန်းမာကြပါစေရှင်။ 🙏🏻🌿
#မှန်ကန်သောဥာဏ်ပညာနဲ့ချစ်ခြင်းတရားနဲ့သာအောင်မြင်နိုင်ပါတယ်
(Nutritionist)
MBBS, MSc (Community Nutrition)
