16/03/2026
متاجر بدلت اسمها .. شفنا الي عمل اسم قريب و الي اسم يشبه لمبادرتنا و حتى الي استعمل نفس الاسم ..
شفنا الي اسماء الاثواب دار يسمي فيهم على اسماء المدن كيفنا .. و بعد ولا زادة يستعمل 🔻 كيفنا ..
و شفنا الي يبدل في لوڤو خريطة كيفنا ..
اولا ، احنا وقت نستعملوا المثلث .. ماهوش ماركوتينغ ، احنا وقت فشل الاجتياح البري الاول في حرب الابادة عملنا تخفيض بمناسبة الفرحة .. و في استشهاد القائد الsنوار وقفنا وقتها حتى احتفاليات الذكرى الاولى للمبادرة ! كل انتصارات و كل ابتلاءات المقـ.او.مة احنا كنا حاضرين فيها ! يعني سامحني يجي واحد هكا يتبعك بكل بساطة يدور يلصق في المثلث شيقصد ؟
ثانيا ، احنا مبادرة ! من اهم اهدافها التأكيد على الثوابت ، ماحناش ننشروا في رموز القضية باش نخدموا بيهم ! ماذابينا الي يحب يتبعنا على الاقل يتبعنا في التركيز على الهدف هذا و يرفع الوعي العام بالقضية و تفاصيلها
ثالثا ، و ديما نقولها ، انت وقت تعمل هكا لا تنافسني شخصيا خاتر انا عن نفسي ما عندي ما رابحة ، و احنا المتطوعين هنا ما عنا ما رابحين ولا ما خاسرين ، اما الي يحب يدخل في منافسة تضر مبادرتنا ، بالنسبة ليا هو يضر في مبادرة مباركة و حسيبه ربي و كل حد يتحاسب بفعله .
و انا لله و انا اليه راجعون
