28/08/2026
🔴 قلّة الحياء هاذي و الجهويات هاذي وين ماشين بيها ؟؟ 😡حتى في الهمّ يعملو في التقسيمات متاع الجهلة و المعقدين ؟؟؟ 🤮و بربّي من وقتاش أكبر شركات المياه المعدنيّة في الساحل ؟ منين جات الحكاية الحولة هاذي ؟؟ 🔴 تي تونس الكلّ تعرف اللي SFBT اللي عندها صافية و مروى و ملّيتي و غيرو هي الأكبر و اللي ما عندها حتى علاقة بالساحل ، مالكينها أجانب و كانو حاطين على رأسها بوصبيع الله يرحمو و توا حاطّين الياس الفخفاخ 🤷🏻♂️، و مجمع حمدي المدبّ عندو ديليس اللي قاعد يبيع برشا في السنوات الأخيرة و فكّ بلاصتو بين الثلاثة الكبار 🤷🏻♂️، و حتى ماء حياة اللي هو برشا ناس يحبوه و يشريوه مالك الشركة من سيدي بوزيد !!🤷🏻♂️ و مجمع اللومي عندو جكتيس و غيرو، و مجمع المزابي و بوجبل عندهم زادة ماء كيما صابرين، جنّات و فرات… وين الساحل ما نعرفش !! هكّاكا عباد تحبّ تعمل مشاكل و انقسامات !!
🔴 و زيد آش مدخّلهم اللي يصنعوا في الماء !! نستبهلوا في بعضنا توّا ؟!!! صيف كامل الضوء مقصوص و تحبّ المصانع تخدم كيما قبل ؟؟؟ في الشتاء اللّي يحضّر روحو و يوفّر كميّات مياه باش في الصيف يلقى مخزون يتشدّ على الاحتكار و تحبّو في الصيف فمّا ماء ؟؟ 🤦🏻♂️
