قصة العلامة التجارية
انطلقنا في عالم التجارة الالكترونية رسميا من 4 سنين في سنة 2019 دخلنا في التجارة الالكترونية في اول عامين كانت الخدمة صعيبة و المنافسة ماهيش عادلة احنا نخدمو في باج فيها 700 جام و هوما يخدمو في باجات ب عشرات الاف و يبيعو في منتوجاتهم بمواقع الكترونية و يسوقو بالسبونسور في وقتها كنا ندخلو اقل من شهرية بالسيف بالمقارنة بيهم يدخلو في برشا فلوس و فرحنالهم اما كانت البداية صعيبة بر
شا و مالقيناش شكون يعلمنا و الا ياقف معانا هذاكا علاش كانت الانطلاقة و التحسن في الانتاجية بعد اكثر من 24 شهر تعلمنا بعد اكثر من 1500 ساعة من التعلم المستمر في جميع مجالات التسويق الرقمي و التجارة الالكترونية و بناء العلامات التجارية و بناء مواقع الواب و برشا اختصاصات اخرى متعلقة بالدومان و تعلمنا بيهم كيفاش نكبرو خدمتنا و كيفاش نسوقو بالاشهار على مواقع التواصل الاجتماعي و كيفاش نخدمو في البثوث المباشرة و كيفاش نلقاو المزودين و هاذي حاجات تعلمناهم ب برشا وقت و برشا خسارة و ببرشا تعب و برغم الي لوجنا على شكون ينجم يعاونا باش نكبرو خدمتنا مالقيناش شكون يعطينا اسمو باش الناس تاثق فينا و تشري من عنا. شكون يشري من انسان مايعرفو حد وما يتبع فيه حد و يخلي الباجات الكبيرة و المعروفة و المضمونة و الي باسمها و سمعتها التوانسة عندهم حق مايشريوش من انسان موش معروف خاطر برشا يخدمو بلاش ضمير و يكذبو و يتحيلو اما بعد ماتتعب ثلاثة و اربعة سنين العباد مش تاثق فيك و تولي تعرفك و من هوني جات الفكرة انو احنا نحاولو نعاونو التجار الجدد لكل بكل وسائل التسويق الحديثة و المتطور و نقومو بتسويق برودوياتهم في صفحتنا و منصتنا الالكترونية و نحلولهم طريق باش يبيعو منتوجاتهم في صفحتنا و موقعنا الالكتروني و ب اذن الله على قريب نفتتحو تطبيقنا الخاص الي مش يدعم خاصية البثوث المباشرة للتجار و مش يكون التطبيق الاول في تونس و في العالم المختص في البيع عبر خاصية البث المباشر و هكا اي انسان يحب يدخل في التجارة ماعليه كان ينضم لمجتمعنا و ينطلق و احنا نعاونوه باش انطلاقتو تكون احترافية و مايخسرش سنين من عمرو و هوا يحاول يوصل في صورة انو ماستسلمش قبل مايوصل
