Kubro textile group, Курувчилар 59, Namangan (2026)

27/05/2025

Bizni bozorlarimizni asosan Xitoyni sifatsiz mahsulotlari egallagan lekin Xitoyda ham sifatli mahsulot arzon emas.

Agar doim model ustida ishlasangiz, sifatli mato va aksessuarlardan foydalansangiz narx jangidan chiqasiz va foyda qilishni boshlaysiz!

Kubro Textile O’zini Jamoasini Xitoyda ham shakllantirib, yangi loyiha ustida ishlayapmiz!

Bizni maqsad aslida o’zimizda ishlab chiqarish imkoniyatlari ko’pligi va bozorimizni qaytarib olish mumkinligini faktlar bilan ko’rsatib berish!

26/05/2025

Sal kam 70.000$ zakazni olib peredoplatani ham qabul qilib pulga uxlatvoribdi.

Abu Sahiyda sumka sotadigan savdogar akamiz 2024-yil Xitoylikga 12000 ta sumka buyurtma qilib pul ham chiqargan ekanlar, 1500 ta berib qolganini chiqarmay qiynab yurgan ekan.

Xitoyda ham hozir mashenniklar ko’payib ketgan mato, aksessuar umuman Xitoyga mahsulot buyurtma berganda ehtiyot bo’lishni tavsiya qilamiz!

29/10/2024

Куз-қиш мавсумига қулай куртка моделини излаётганлар учун идеал танлов! 🧥

Brioni брендининг бу махсус курткаси 100% бузоқ терисидан тайёрланган бўлиб, lizard skin (калтакесак териси) эффектига эга. Ёқаси классик, олди эса замок орқали ёпилади.

Жами нархи бор-йўғи 36724$

Ҳисоблаб кўринг куртка неча пулга тушади?

Қолгани + Брендни нархи.

Kubro Textile

04/10/2024

KUBRO TEKSTİL нима ишлаб чиқаради?

Бизда баклажкадан Полиэстер ипи ва Полиэстер ипидан текстил резинка ва арқонлар ишлаб чиқарилади!

KUBRO TEKSTİL да Резинка ва шнурлар нархлари доимо энг оптимал нархда сабаби маҳсулотимизнинг 80% хом ашёси ўзимизда ишлаб чиқарилади!

Текстил резинка ва шнурлар ишлаб чиқариш ҳажми бўйича ҳам KUBRO TEKSTİL мамлакатимизда энг йирик корхона ҳисобланади!

Энг биринчилар билан бўлинг!

Ушбу видеода шу вақтгача кўрсатилмаган ишлаб чиқариш сирларимиз кўрсатилган!

+998781139931

15/12/2023

Бозорда савдо йўқ сезон тушиб кетди дейилган пайтда ҳам савдо бўлади

Шунчаки у пайтда 100% эмас 30% ёки 20% га тушиб қолади умумий бозорни савдоси.

Мижозларингиз эса савдо пасайган пайтда фақатгина харажатларини ва тан нархларини энг оптимал ҳолатга келтирган рақобатчингиз билан ишлашади чунки мижозларингизда ҳам савдо паст ва уларни ҳам рақобатчилари бор!

Агар сиз доимо тан нархни ва харажатларни оптимал ҳолатга келтирмас экансиз мижозларингиз фақат сиз билан сезонда ишлашади!

Мисол учун сиз Polyester ипини оптимал нархда оласизми?

Биз билан солиштириб кўринг телеграмга
ўтинг!

31/10/2023

Бангладеш текстилда етакчи эди. Энди-чи?

Мамлакат тикувчилик соҳаси ўта оғир вазиятни бошидан кечирмоқда. Ёқилғи, шу жумладан газ, электр энергияси нархининг ошиши тикувчилик экспортчиларининг ишлаб чиқариш таннархини оширмоқда. Бошқа томондан, халқаро кийим-кечак сотувчилари ва брендлари томонидан буюртмалар Ғарбдаги инфляция туфайли камайди.

Айни пайтда тикувчилик саноатида энг кам иш ҳақининг ошиши вазиятни янада заифлаштирмоқда.
Шунингдек, газ, электр энергияси нархлари босқичма-босқич оширилди. Шунга қарамай газ, электр энергияси таъминотининг ўзи қониқарли даражада. Газ инқирози сўнгги бир неча кун ичида янада яққол намоён бўлди. Кўтарилган харажатлар туфайли саноатчилар ишлаб чиқаришни қисқартириш орқали кийимларни диверсификация қилишга ҳаракат қилмоқда.

Бир қанча манбаларга кўра, корхоналар ўз вақтида хомашё етказиб берилмаслиги, газ танқислиги, валюта айирбошлаш сабаб иқтисодий муаммоларга дуч келишмоқда. Шу сабабли кийим-кечак эгалари ишчиларга ўз вақтида маош тўлай олмаяти.

30/10/2023

Хитой товарларини нархи ошиши мумкин. Нега?

Хитой товарларига АҚШ тарифларининг ошиши америкалик истеъмолчиларнинг сарф-харажат имкониятига катта таъсир кўрсатиши мумкин. Миллий Чакана савдо федерациясининг (NRF) сўнгги тадқиқотига кўра, микротўлқинли печлар, оёқ кийимлар, ўйинчоқлар футболкалар каби оддий уй-рўзғор буюмларига тарифлар оширилса, истеъмолчилар 31 миллиард доллар сарфлаш қувватини йўқотиши мумкин.

NRF ҳисоб-китобларига кўра, агар Хитойнинг PNTR мақоми тугаса, ўйинчоқлар нархи 21 фоизга, маиший техника тахминан 7 фоизга, пойабзал тахминан 5% га, мебель 4% га ва кийим-кечак тахминан 2% га ошади. Бундай ҳаракат америкаликларга йилига ўртача 240 долларга тушиши мумкин. Кам таъминланган уй хўжаликлари энг кўп зарар кўриши тахмин қилинмоқда, чунки улар ўз даромадларининг кўпроқ қисмини сарфлайдилар.

PNTR ҳуқуқий мақом бўлиб, Хитойга АҚШнинг бошқа савдо ҳамкорларига нисбатан қўлланиладиган тариф ставкаларини ифодалайди. Конгресс Хитойнинг PNTR мақомини 2000 йилда Жаҳон Савдо Ташкилотига расман аъзо бўлганида тасдиқлаган эди.

28/10/2023

Бразилия пахта экспортида 2-ўринда. Ўзбекистон-чи?

Сўнгги маълумотларга кўра, Бразилия пахта экспорт қилувчи дунёнинг асосий давлатлари қаторига киришга тайёр ва у 5,86 миллион тонна пахта экспорти билан дунё бўйича 2-ўринни эгаллаши кутилмоқда.

Амалий иқтисодиёт бўйича илғор тадқиқотлар маркази (CEPEA) ҳисоботига кўра, 2023-24 йилги мавсумда пахта ишлаб чиқаришнинг кутилаётган ўсиши Бразилияни дунёдаги иккинчи йирик экспортчига айлантириши ва бу Қўшма Штатларни ортда қолдириши мумкин. Шу ўринда, Қўшма Штатлар Қишлоқ хўжалиги Департаменти (USDA) Бразилиядан ташқари барча етакчи пахта экспорт қилувчи давлатлар учун экспорт баҳоларини пасайтирди.

Маълумот ўрнида, Ўзбекистон шу пайтгача пахта етиштириш ва экспорт қилиш бўйича етакчи давлатлардан бири ҳисобланган. Бироқ тўқимачилик саноати ва тайёр маҳсулот ишлаб чиқариш ривожланиши натижасида, Ўзбекистон пахта хом-ашёсини экспорт қилувчи давлатдан унинг импортёрига айланди.

27/10/2023

Оқ айиқ мўйнасидек майин

Массачусетс университети технологлари томонидан узоқ йиллар давомида оқ айиқ мўйнасидек мато яратиш ғояси синчковлик билан ўрганилган. Бу уларга қутб айиғи мўйнасига ўхшаш икки қатламли матони ишлаб чиқишга имкон берди. Материалнинг юқори қисми учун қуёш нурини ўтказадиган иплар, пастки қисми учун эса қора нейлон ишлатилди.

Олимлар бу матодан куртка тикиб, унинг хусусиятларини синаб кўришди. Маълум бўлишича, одам минус 25°C ҳароратда ҳам курткада ўзини қулай ҳис қилади. Шу билан бирга, кийимлар нафақат кундузи, балки сунъий ёруғликда ҳам иссиқликни яхши сақлайди. Бу шуни англатадики, курткани жуда совуқ бино ичида ҳам кийиш мумкин. Америкалик мутахассислар ўзларининг "ақлли" тўқимачилик маҳсулотларини оммавий ишлаб чиқаришни йўлга қўйиш имкониятини кўриб чиқмоқдалар.

26/10/2023

Мато энергия ишлаб чиқарадими?

Хитой Халқ Республикаси Фанлар академияси мутахассислари одам юрганда пайдо бўладиган ишқаланишдан энергия синтез қила оладиган тўқимачилик маҳсулотларини ишлаб чиқди.
Fiber-teng деб номланган мато уч қатламдан иборат. Уни яратишда полилактик кислота, графен (аниқроғи, унинг оксиди) ва полипирол ишлатилган. Мато мослашувчанлик ва эластиклик билан ажралиб туради. У энергияни бир неча соат давомида тўплаш ва сақлашга қодир.

Хитойлик профессорларнинг таъкидлашича, fiber-teng кийим ва ички кийим тикиш учун мос келади. Мато ичига тўқимачилик қуввати билан ишлайдиган ускуна жойлаштирилади. Бу инсоннинг соғлиғини кузатиш имконини беради: у орқали тананинг биологик кўрсаткичларини кузатиб бориш, стресс даражасини аниқлаш ва зарарли микроорганизмларнинг кўринишини ҳам билиб олиш мумкин.

25/10/2023

Янги шартнома имзоланди

Куни кеча Россия Федерацияси ва Ўзбекистон Республикаси ўртасида шартнома имзоланди. Ҳужжат, хусусан, ўзаро манфаатли ҳамкорликни назарда тутади. Эндиликда Ўзбекистон корхоналари Россия бозорига ип-калава етказиб беради.

Маълумки, Ўзбекистон пахта хомашёси етиштириш бўйича жаҳонда етакчи давлатлардан биридир. Мамлакатда ҳар йили уч миллион тоннагача маҳсулот ишлаб чиқарилади. Пахта толасига келсак, унинг йиллик ишлаб чиқариш ҳажми 1,2 миллион тоннага етади. Сўнгги йилларда Ўзбекистонда пахта-тўқимачилик кластерлари пайдо бўлди – улар пахтани йиғиш ва қайта ишлаш бўйича ишларни жадаллаштириш имконини берди.

24/10/2023

Италия бренди келажак толасини яратди

Машҳур кийим бренди Gianni углеродсиз целлюлозадан яратилган ноёб синтетик ипни тақдим этди. Тола 20% карбонат ангидриддан иборат.

Маҳсулот ишлаб чиқариш экологик тоза ҳисобланади. Уни ишлаб чиқаришда сув ишлатилмайди, лекин CО2 махсус ферментатив жараён орқали олинади.

Gianni бренди вакилларининг фикрича, янги технология мода саноатини карбонсизлантиришга ёрдам беради. Аммо жараён ҳақиқатан ҳам муваффақиятли бўлиши учун бошқа кийим брендлари ҳам шунга ўхшаш янгиликларга сармоя киритишлари керак.

Kubro textile group

27/05/2025

26/05/2025

29/10/2024

04/10/2024

15/12/2023

31/10/2023

30/10/2023

28/10/2023

27/10/2023

26/10/2023

25/10/2023

24/10/2023

Address

Telephone

Website

Alerts

Contact The Business

Shortcuts

Share

Category