05/07/2026
🙏
Wat 'n ongelooflike Proteahoogte Wintermark was dit!
Met dankbare harte wil ons vir elke persoon wat deel van hierdie mark was, baie dankie sê.
Aan elke uitstaller – baie dankie vir julle pragtige produkte, die ure se voorbereiding en die moeite wat julle gedoen het om sulke mooi stalletjies op te rig. Jul passie en vakmanskap het hierdie mark besonders gemaak.
Aan elke werker, vrywilliger en gemeentelid – dankie vir julle harde werk, vriendelikheid en bereidwilligheid om te dien. Julle het agter die skerms ongelooflik baie gedoen om die mark netjies, skoon en verwelkomend te hou. Sonder julle sou dit nie moontlik gewees het nie.
Aan elke besoeker wat die mark ondersteun het – baie dankie dat julle plaaslike entrepreneurs ondersteun het en deel was van hierdie besonderse week. Jul ondersteuning beteken vir ons en ons uitstallers ongelooflik baie.
Bo alles gee ons al die eer aan ons Hemelse Vader. Dankie vir Sy beskerming, voorsiening en seën oor die hele mark. Ons is opreg dankbaar vir 'n suksesvolle Wintermark en vir elke geleentheid wat Hy vir ons gegee het.
Baie dankie aan elkeen wat deel was van die Proteahoogte Wintermark. Ons sien reeds uit daarna om julle volgende jaar weer te verwelkom.
